Carné Sanxi: Únete á nosa familia!

No CB IES Sanxillao cremos que o baloncesto é moito máis ca un deporte: é amizade, esforzo, ilusión e comunidade. Por iso nace o Carné Sanxi, unha maneira de formar parte da nosa gran familia apoiando ao club e, ao mesmo tempo, gozando de múltiples vantaxes grazas ás empresas que colaboran connosco.

👉 Que gañas ti?

Descontos en librarías, academias, centros de saúde, restaurantes, comercios locais… Un montón de beneficios que farán o teu día a día máis fácil e económico.

👉 Que gaña o club?

A túa colaboración axúdanos a seguir medrando e a ofrecer ás nosas rapazas e rapaces a oportunidade de formarse a través do baloncesto, aprendendo valores que van máis aló da pista.

Cada vez que uses o carné, estarás a apoiar o deporte de base e a dar un pequeno gran paso polo futuro do noso club.

👉 Canto custa?

O Carné Sanxi ten un prezo simbólico de 30 € ao ano.

Con esta pequena achega estarás a apoiar directamente ao noso club e, ademais, gozando de todas as vantaxes exclusivas que che ofrecemos.

📥 Como conseguilo?

Moi doado! Contacta connosco e infórmate de como facerche co teu carné. Un xesto pequeno que supón unha gran axuda.