O Club Baloncesto IES Sanxillao naceu do compromiso conxunto das familias, do profesorado e do equipo directivo do IES Sanxillao. Xuntos puxeron en marcha un proxecto deportivo e educativo que vai moito máis alá da cancha.

No ano 2023, co obxectivo de que o alumnado puidese competir nas ligas federadas e continuar gozando do baloncesto tamén nas fins de semana, constitúese oficialmente o club. Nos seus estatutos queda reflectido que a directora e a vicedirectora do centro ocupan os cargos de presidenta e vicepresidenta do club, garantindo así que o proxecto manteña sempre unha conexión directa co centro educativo e cos seus valores.

Un Proxecto Construído en Comunidade

Detrás do CB IES Sanxillao hai moito corazón. As familias desempeñan un papel fundamental, dedicando tempo, ilusión e esforzo a coidar este proxecto. Sen elas, nada disto sería posible.

O club conta tamén co apoio dos pequenos comercios do barrio, tecendo así unha rede de colaboración entre todos os axentes do noso contorno. O noso club é un verdadeiro espazo de comunidade.

As Persoas que o Fixeron Posible

As persoas socias fundadoras son:

•     Ángela (Presidenta e directora do centro)

•     Sandra (Vicepresidenta e vicedirectora)

•     Modesto (Tesoureiro)

•     Pablo (Secretario)

•     Vogais: Odilo, Marta, Marco, José Manuel, Ana e José Antonio

Na actualidade, o equipo medrou coa incorporación de novas persoas ao grupo de vogais: Ana, Fatiha, Mari, Juan e Pablo.

 Seguimos Medrando

Hoxe, o CB IES Sanxillao é moito máis ca un club de baloncesto. É un espazo onde medrar, compartir e aprender en equipo. Un proxecto feito por e para o alumnado, que medra cada día coa forza da nosa comunidade.